Plantun de Prouvènço

Pèr coumpara dos planto d'encò nostre

Juncus tenageia & Stellaria nemorum

Juncus tenageia

Juncaceae

Noms en français : Jonc des marais, Jonc des vases.

Descripcioun :
La tèsto-rousso es un jounc prim que trachis dins li mueio e li relarg bagna. Li flour soun souleto, pichoto e bruno coume li fru. De nouta que i'a d'auriheto bèn marcado sus la fueio d'en aut à la limito dóu pecou e dóu limbo (fotò). Ei pas uno meno proun coumuno, aleva dins li relarg safrous coume en Prouvènço séusouso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1700 m
Aparado : Noun

Liò : Palun - Ribiero - Mueio
Estànci : Termoumediterran à Mountagnard
Couroulougi : Pancaro entresigna
Ref. sc. : Juncus tenageia Ehrh. ex L.f., 1782

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.